Monday, August 13, 2007

تعليق و أيميل يستحق النشر

ملاحظة تعليق وأيميل خاص جدا جدا جدا
رأينا أنه يستحق النشر
مع تحفظنا على ما جاء فيه



من الأخر صراحة
هم بيصمموا اقوى جيل استغلالى ومتحايل فى التاريخ
ليه ؟؟
اولا احنا مصريين يعنى هنلاقى مليووون وسيلة نوصل بيها من وبنفس الاسعار اللى عايزنها

ثانيا : بالنسبة للداونلود كل حاجة بتوصلنا بانتظام على مدى 7 سنين …. يعنى مفرقتش كتير

ثالثا : البرامج والافلام والاغانى المقرصنة …النت هيقلل من انتشار النسخ المضروبة بس كمان شوية هناخد نسخ افلام عربى عالية الجوده
والاغانى …سمعت ناس بيتفقوا على تجميع ونشر الالبومات العربى الجديدة بعد تطبيق القرار لا وأيه فيه باين خدمة دلفرى …يعنى مش احتكار انت تطلب والناس هتديلك …وقت الزنقة كله بيستجدع

يعنى فتحوا باب القرصنة الاحترافية على ودنه ….

رابعا : الوزير الغبى بالقرار الأمنى الأغبى ده و وهدفة من تحديد وتقنين صناعة المعلومات وحصار الشعب معلوماتيا ( الشعب جاهل أساسا حتى 80% من المتخصصين ) ساعد على امتلاك المحترفين بس للخطوط الكبيرة بالنسبة لى هثبت على 2 ميجا واللى عايز آى حاجة داونلود آبلود يكلمنى بس ( ألا البورن )
أفلام أغانى برامج اسطوانات تعليم لبنكس وان شاء الله هنسخ كل اللى هينزل أول بأول DVD يعنى تاخد وغيرك هياخد وفرى

خامسا : القرار ده المفروض انه مش فى صالحنا بس صراحة شايف انه فى صالحنا درجة أولى …لانه بيحولنا لشعب لمض ولبط ….واحنا مش عايزين الا نتعلم طرق تحايل جديده عشان نعرف نعيش

سادسا : المدونين ساكتين قوى كأن القرار مش قرار أمنى عشان هم يتهدوا لأ كأن الأمر لا يعنيهم بالمره وده مش غريب على الشعب المصرى …( طبعا مبتكلمش عن العشرة عشرين مدونة اللى بيتكلموا فى الموضوع ) من الاخر حماس عربى فارغ وكاذب بلا أى خطوات حقيقة ….ودى عادى مصرية اتكلم حبتين وانعس شويتين

سابعا : ناس كتير اتكلمت عن المقاطعة لخطوط النت ؟ وبعدين ؟؟؟ انت مصدقين ان المقاطعة الغير منظمة او لعب العيال دى هتعمل حاجة ؟؟؟؟ ولا مصدقين ان جيل الشباب ده راجل وجدع وهيقاطع ؟؟؟؟( يبقى انت أكيد مش فى مصر )

ثامنا : ايه البدائل اللى بتقدموها للمقاطعة ؟؟ مقاطعة امريكا كان ليها بدائل مصرية ؟؟ بس المره دى عندكم بدائل ؟؟ مفيش حد ممكن يستغل الوضع ويعمل بيه شركة تكون بديل للغباء الوزارى ؟؟ والقرارت الامنية اللى على دماغ الناس ؟؟؟

تاسعا : كم واحد ديموجاجى وغوغائى عرف الناس اللى حواليه بالموضوع وهيعملوا ايه ويتصرفوا ازاى ؟؟؟؟( مش عارف ليه ساعتها بفتكر المصريين بتوع كلام؟! )

7 comments:

Anonymous said...

ههههههههههههههههه
مش قادر اقول غير انى لسه متفق مع الناس فى شبكتى القديمة
انا هاخد 2 ميجا والناس تاخد اللى عايزاه وانا ادونلهم كل اللى عايزينه ..واجيبلهم كل حاجة ماعدا البورن طبعا ....

وبخصوص الافلام العربى أحسن برضة يبطأوا نشر الافلام العربى النسخ بالتصوير الغبى ويدو فرصه للناس تصور كويس وتضغط كويس وطلعلنا حاجة كويس
................
طبعا الفترة اللى فاتت شهر 8 انا كنت 2 ميجا وجهازى متقفلش شغال داونلود الناس بتجرب النظام
وصراحة النظام عاجبهم موووووت

اجهزتهم بتتقفل وانا كده كده جهازى شغال 24 ساعة فى اليوم 7 ايام فى الاسبوع

------------------------------
انا كمان قررت انشر كل حاجة بنزلها مجانا للى عايز اديها اسبوع اسبوعين وتلاقى الحاجة عندك فى البيت

تعرف صاحب التعليق ده ادالى فكرة مهمة جدا جدا جدا

ليه منعملش

EgyDownloaders

زى منتدى او مدونة الناس تطلب وتسأل فيها على اللى عايزاه

أظن موقع
DVD4arab
عامل كده بالنسبة للأفلام

طب ليه معملش موقع تحط فيه كل المصادر اللى عندنا وكل المصادر اللى الناس بتسأل عليها ؟؟؟

حتى نساعد مع بعض فى دفع الاقتصاد القومى

على فكرة يا شباب
لازم نساعد بأكتر من كده ونوفر
كل الافلام العربى والاغانى العربى مجانا وهاى كواليتى فرى اصل كده صراحه ميصحش

Anonymous said...

13-8-2007 فى الأهرام المسائى اليوم

تخفيض قيمة اشتراك الـ‏ADSL‏ ظاهره الرحمة وباطنه العذاب
أزمـــــة مـــــرور للإنترنــــت‏!‏
المستخدمون‏:‏ قيمة الاشتراك ستصل إلي‏275‏ جنيها في الشهر وليس‏45‏
رئيس جهاز الاتصالات‏:‏ الوصلات المنزلية غير القانونية هي السبب في تحديد سرعة التحميل بــ‏2‏ جيجا

http://massai.ahram.org.eg/Index.asp?
CurFN=inve2.htm&DID=9307

http://massai.ahram.org.eg/Index.asp?CurFN=inve2.htm&DID=9307

Anonymous said...

pdf file of the article
13-8-2007 فى الأهرام المسائى اليوم

http://depositfiles.com/files/1480822

http://www.MegaShare.com/254662

أشرف حمدي said...

عارفين بقى ؟
المشكلة دلوقتي ان كل واحد شغال في شركة أو مؤسسة اشتركها 2 ميجا حيسيب الشغل ويقعد يداونلوود أفلام وأغاني وجيمز وغيره
أعرف ناس كتير كده لغت اشتراكها اساسا وقاعدة في الشغل آخر دماغ وآخر حلاوة وآخر الشهر تقبض المرتب

شكرا لوزارة الاتصالات
وانا انصح كل شاب وفتاة انه يلاقي وظيفة في شركة فيها انترنت

تحياتي

Anonymous said...

حاسس بنبرة بأس وانهزاميه
افتكر لسه الخدمه خدمتنا
ولازم ن}ؤمن ان أى المقاطعه هتأئر عليهم أكتر بكتير من تأثيرها علينا
هما شركه وعندهم ميزانيات ومرتبات لازم تتدفع و 2 أو 3% خساره هتأثر عليهم جامد
المقاطعه بشرط الوحده والاستمراريه
لسه بدرى أوى على قبول الامر الواقع
هما بيعملوا دعايه عشان يخطفوا أكبر عدد من المستخدمين اللى مش فاهمين ونازلين بعروض ل3 و6 شهور واشتراكات مجانيه شوف الجرايد ومواقعهم وحت خدمة عملائهم مش قادره تواجه الناس بالل وراء العروض الجديده وده اكبر دليل انهم خايفين وبيحولوا ينصبوا على الناس اللى مش فاهمه
الحرب لسه مبدأتش
دى ناش متجيش غير بالعين الحمرا

Anonymous said...

the link to the vote results as the older one is gone

http://www.mcit.gov.eg/ar/votingdetails.aspx?id=uJaGy6cIsrk=

http://www.mcit.gov.eg/ar/
votingdetails.aspx?id=uJaGy6cIsrk=

Anonymous said...

إستطلاع بريدي

هل تؤيد تحديد كمية التحميل من الإنترت أم لا ؟؟

للتأييد
yes@istetla3.co.cc

للرفض
no@istetla3.co.cc

في حالة التأييد أو الرفض أرسل رسالة تحتوي علي الصيغة التالية :

1- موقفك ( مؤيد - مرفوض ) 2- محافظتك

مثال : مؤيد - القاهرة

مدة الإستطلاع من 9-8-2009 إلي 20-8-2009


مصدر الإستطلاع موقع إستطلاع

http://istetla3.co.cc/