Wednesday, July 25, 2007

القرارت الجديدة ونجاح مبدئي للمرحلة الاولي من الحملة

الحملة مستمرة رغم التعديل المزعوم وماحدش هايضحط علينا ... استمروا في الحملة لغاية ما نتأكد 100 %
خلوا بالكم ياجماعه زي ماطلع القرار ده دلوقتي وغيروا كلامهم ممكن اوي كلامهم يتغير تاني علي شهر 9
طبعا اللي يخلي واحد يطلع يقول ان ال 2 جيجا يكفو المستخدم طول الشهر ممكن تستني منه اي حاجة بعد كده

نص تعديل القرار هنا من المواقع الرسمية للحكومة

موقع وزراة الاتصالات
http://www.mcit.gov.eg/ar/announcement.aspx

موقع الجهاز المصري لتنظيم الاتصالات
http://www.tra.gov.eg/arabic/News_Ne...?PID=36&ID=116

حتي القرار الرسمي مش واضح وفيه لعب بالالفاظ

طبعا في اسئلة كتير الايام الجاية هانعرف اجابتها والامور مع الوقت هاتبان

هل كل الموضوع ده اصلا حكاية وهمية علشان نرضي بالسعر الحالي ومانطلبش تخفيض؟
هل دي حركة علشان يوقفوا الحملة ويشتتوا التجمع بتاعنا ده ؟
هل الموضوع سياسي كما نشرت مدونة الوعي المصري ؟

ان شاء الله هانجاوب علي الاسئلة دي الايام اللي جايا وانا في ايدي فعلا اخبار بس انا مش راضي انشر اي خبر من مصدر غير موثوق فيه

علي العموم ادينا هانشوف ايه اللي هايحصل بس اللي عاوزكم تخلوا بالكم منه ان دي ممكن تكون حركة علشان يضيعوا اتحادنا لان فعلا احنا نجحنا نجاح مبدئي وصوتنا وصل......... والايام اللي جايا هانتأكد
لو لسه الموضوع سلبي وفيه ضرر علينا.... هانكمل في الحملة

واهم حاجة ياجماعه مانكسلش في الحملة خصوصا ان في مراحل كتير لغاية ما نتأكد

بس ياريت نستفاد بقي اننا لما بنشارك ونتحد بنعمل حاجات كتير


21 comments:

أشرف حمدي said...

غالبا حركة قرعة
لأن لو النظام ده اختياري ماحدش حيقبل بيه اساسا إلا لو كان عبيط لاموآخذه
أنا أدفع 95 جنيه في الشهر بطاقة تحمل غير محدودة ولا أدفع 45 جنيه في 2 جيجا ؟!!!
عموما احييكم علي موقفكم وخليكوا صاحيين قوي

TAMTAM said...

قولت لأ

ربنا يرحمنا بقى من دي حكومة

night_light said...

الايام الجاية هاتوضح يا اشرف
خلينا نصبر

ويارب يا تمام وربنا يسمع من ك ياتمام

Anonymous said...

Nothing new here guys

Read carefully what is written:

No cancellation for the ((CURRENT SUBSCRIPTIONS)) but after it ends we will face the new 2GB limited package. Even the new packages will be with a limited speed.

Read here the scam is illustrated in a clear way.

http://www.bramjnet.com/vb3/showpost.php?p=3806180&postcount=79

night_light said...

1. لا إلغاء لأي اشتراك ساري بالنظام الحالي وشركات الانترنت سوف تحترم تعاقداتها فقط ومن يرغب من المشتركين في النظام الحالي يستطيع تحويل اشتراكه للنظام الجديد إذا رغب.

في اخر ابند اذا رغب يعني ممكن ماترغبش وماتحولش

لسه بعقلى said...

يعم قولنا لا وربنا يسترها معانا بقى

pHaR300n said...

وكلام جديد ...... من أخ كريم:

اقتباس:
يا جماعة انا سألت محامى فى كلام الوزير ده
وشاف كمان العقد اللى انا مشترك بيه مع الشركة
وقالى ان عقود النت زى عقود التليفون
عقود اذعان
بمعنى ان الشركة ليها الحق من طرفها تلغى العقد فى اى وقت
بدون ابداء الاسباب
واعلى ما فى خيلك اركبه
ومعنى كدة ان الوزير كان بيستخدم الاسلوب السوفسطائى فى الكلام
يعنى بيتلاعب بالالفاظ
فكلامه ان العقود القديمة شغالة (حسب التعاقد) اشبه بالسم فى العسل
وكل واحد عقده هينتهى
غصب عنه هيحول للنظام الجديد
هوة ده كلام الوزير
خداع وتضليل
حتى تمر الازمة وتنام الهوجة
ونرضى بالامر الواقع

وعلى رأى عادل امام
الجيجا بعشرة جنية والحسابة بتحسب

المقاطعة المقاطعة المقاطعة المقاطعة
هى الحل الوحيد

Mona said...

ربنا يستر بس باذن الله خير احنا قاعدين نتفرج و قال يا خبر النهارده بفلوس بكرة يبقا ببلاش ان كان كدا و لا كدا احنا ان شاء الله هيبقالنا التصرف في الموضوع دا

Rain_Man said...

[url=http://www.5media.org/file.php?f=27]بس ده اللى كان قالوا الوزير بنفسه فى برنامج القاهره اليوم [/url]


وارتبك وسلًم لما اتزنق فى النقطه دى

Anonymous said...

http://www.5media.org/file.php?f=27

Ashraf Al Shafaki said...

الحل الوحيد فى إيد مدام منة الشازلى، لو حد يعرف يوصل الثورة ده بدرى لبرنامج العاشرة مساء، ويخلى منى الشاذلى تجيب الوزير يوضح الموضوع، حيكون ده الحل فعلاً. حتى لو الوزير ما جاش، مجرد إثارة الموضوع ده فى برنامج العاشرة مساء على دريم 2 حيولع الدنيه. حد يعرف يوصل الموضوع ده لقناة دريم؟

pHaR300n said...

استفتاء المصرية للاتصالات علي النظام الجديد كله يخش يصوت

http://www.mcit.gov.eg/ar/voting.aspx

ياللا كلنا نشارك و نوصل صوتنا للمسؤلين

حملة المليون توقيع

http://www.petitiononline.com/no4adsl/petition.html

Anonymous said...

القرار الرسمي مش واضح وفيه لعب بالالفاظ
خد بالك من المكتوب ان نظام ال95 جنية دة كان مدعوم و حاليا الدعم هيوجة لظام ال45 يبقى ازى اشتراك ال95 هيفضل زى ماهو كلة كذب و ضحك على الدقون

Anonymous said...

احنا لسه مفقناش؟؟؟؟
دول شوية حراميه بيحكمونا(شوف اسلوب النصابين بتعهم)

السلم لازم يتغسل من فوق

مش هنقول لا للبرودباند وبس لا لكل حاجه غلط فى بلدنا دو من اول التعليم والصحه وللفساد والتوريث لحد المرور والزباله

Mona said...

صحيح بعد الحملة دي المفروض يبقا فيه حملات تابعة للحملة دي احنا كلنا لما بنكون سوا بنغير لازم نعمل حملات على كل حاجة مش عجبانا على البطالة و الزحام و الخدمات اللي زي الزفت ...

قال ايه الشغل اللي متوفر ياما نستصلح اراضي يا نشتغل في السياحة احنا لازم نعمل حاجة على الاقل في موضوع الشغل دا كلنا نساعد بعضنا و اي حاجة تلوح في الافق الكل يقول لبعضه مش نقف كدا و كل واحد عارف حاجة يخاف يقول للتاني عليها لحسن ياخد مكانه مفيش حد بياخد غير نصيبه

Anonymous said...

جريدة الحياة تكتب عن الموضوع

http://www.daralhayat.com/science_tech/07-2007/Item-20070726-0327c296-c0a8-10ed-0169-5e99b5e1a9ec/story.html

أشرف حمدي said...

عاجل جدا
مافيش تعديلات ولا حاجة .. ده كلام فارغ
راجع مدونة الوعي المصري
http://misrdigital.blogspirit.com/
يا جماعة الوضع علي ما هو عليه .. دي مجرد حركة قرعة من الحكومة عشان تضحك علي الناس
قالت الاشتراكات أم 95 جنيه زي ماهي ولكنها اضافت
للمشتركين فيها حتى نهاية عقدهم
يعني المشترك الجديد مالهوش غير الاشتراك الزبالة أبو 45 جنيه
والمشتركين اللي علي نظام 95 حيفضلوا زي ماكانوا حتى نهاية عقدهم يعني حتى نهاية الشهر لاموآخذه
شفتوا الهبل ؟؟؟

لازم كلكلم يا جماعة تدخلوا تصوتوا علي موقع الوزارة نفسه .. نتيجة التصويت كانت فضيحة لوزارة بكل المقاييس لأن لحد دلوقتي 88 % من الناس قالوا ان المستفيد الوحيد من الحكاية دي هي شركات الاتصالات مش المشتركين
night light
أرجوك انشر وصلة للتصويت علي موقع الوزارة في بوست منفصل وياريت تشرح للناس اللعبة القذرة اللي الحكومة بتضحك بيها علينا
http://www.mcit.gov.eg/ar/voteresults.aspx
وانا مش حسكت وشوف أمي على اللي بيحصل ده
دي مهزلة

أشرف حمدي said...

بالنسبة لمنى الشاذلي
بعت ييجي عشر ايميلات وماحدش معبرني
كان ليا معارف في القناة ومش عارف اوصلهم
أرجوكم لازم كلكم تبعتوا للبرنامج تشرحوا الموقف لأن الظاهر البرنامج فاكر ان الحكاية هايفة لا تصل لمستوى أزمة مياه الشرب مثلا أو اغتصاب مش عارف مين
اللي بيحصل ده اغتصاب لكل المدونين .. اغتصاب للتطور الحضاري في مصر كله
al3ashera@dreams.tv
ده ايميل العاشرة مساء للمرة الثانية
ياريت الناس كلها تهتم

Anonymous said...

http://depositfiles.com/files/1336904

http://www.MegaShare.com/240848

Spread this LOGO everyone..

حملة المقاطعه الشعبيه لل
ADSL
تبدأ 1 سبتمبر 2007 إعتراضا على قرار الحكومه

"أنا حفصل"
الإمضاء
مواطن مصرى

Anonymous said...

انا هفصل ان شاء الله قبل 1/9 وخليهم يشوفو مين اللى هيوصل منهم !!!

Bestic said...

(فليس الغرض هو الترشيد أو التقييد إنما مزيد من الإتاحة. )
لا تحس اد ايه قلبهم علينا وبيحبونا

(سعر الحاسب الآلي وصل إلى أقل من 1100 جنيه وبالتقسيط وسعر اللاب توب لأقل من 1000 جنيه )

لاب توب باقل من الف جنيه ده فين ده


(معالجة بعض الظواهر السلبية التي بدأت تظهر وهى تمديد الوصلات (السلكة) من منزل لمنزل )

هية الظواهر السلبية الي في البلد كلها اتعالجت وخلاص السلكة بقى شكلها وحش
(لضمان مستوى معين من السعر للمشتركين الجدد واغلبهم من الأسر البسيطة وهو ما يعادل 8 دولار)
طب ماهو عندنا ب6 دولار بس و كل واحد فينا بيدفع 10 جنيه اجيب اخوات تانية منين يدفعوا معايا عاااااااااا

بس على فكرة الاسر البسيطة بتاكل ب 8 دولار في الشهر ده مصروف البيت عندهم
ومعندهمش كمبيوتر اساسا


(أن الاشتراكات المجمعة لن تمكن المشترك من سداد فاتورة خدماته هو وأسرته في المستقبل،)

الحتة دي مش فهمتها

انا حاسة انه خلاص بقى عيني عينك كدة
حاسة انه شوية وحلاقي آخر الصفحة (ايموشن لواحد بيطلع لسانه )

حسبي الله ونعم الوكيل