Sunday, July 22, 2007

اول اقتراح : اتصل بالشركة بتاعتك واخبرها رفضك للقرار


استقبلنا اول الاقتراحات الكويسة اوي من الاخت مها واللي اقترحت فيه ان كل واحد يتصل بالشركة اللي هو مشترك معاها ويبلغهم عدم موفقته علي الانترنت المحدود ويقولهم يوصلوا صوتوا للمسؤلين في الشركة طبعا في ناس هاتتكسف تتصل او ناس هاتخاف تتصل
ماتتكسفش كلهم باحترام وكل حاجة وقولهم ياريت توصلوا صوتي للمسئولين وطبعا النتيجة مش هاتقف علي صوت واحد لوحده هايتصل بس لما يبقي في ضغط اتصال بيطالب بالغاء القرار اكيد صوتنا هايوصل للشركات دي والعيار اللي مايصيبش ايه ؟؟؟؟ يدوش
وكل واحد بأسلوبه بقي وياريت لو تهدد بطريقة مؤدبة وتقول انك هاتقطع اشتراكك من عندهم لو القرار ده اتنفذ .........
المهم كل واحد فينا يتصل علشان لو كل واحد كسل انه يتصل ماحدش هايتصل فينا خالص لازم كل واحد فينا يتصل وماحدش يعتمد علي التاني
لازم ياجماعه نبقي ايجابيين والله وانا متأكد ان كل اللي وصل للصفحة دي وبيقري الكلام ده ايجابي

اتصل قبل فوات الاوان يابني

1 comment:

Mona said...

فكرة هايلة انا بعت لكل الاميلات اللي موجودة بنص الرسالة اللي موجودة و انا وصلني ميل من مكتب رئيس الوزرا بيقول ان الموضوع هيتعرض عليه و يارب تعبنا ييجي بفايدة و ياريت بجد كل شباب مصر يتفقوا جميعا في يوم واحد في جميع محافظات الجمهورية ان احنا نقوم بمظاهرة جامدة جدا على القرار دا ايام السادات لما كانت الحاجة بتغلى كانت الناس بتقوم بمظاهرات معرفش الناس اللي خلاها تتكتم و تسكت بالشكل دا على كل اللي حاصل في البلد مش معقول في ناس كتير جدا الانترنت بالنسبالها مهم جدا في التعليم و في الشغل و كل الحاجة ازاي الناس هتواصل بالشكل ....
الظاهر ان الحكومة شعرها تضييق الخناق على المواطن لاقصى حد ممكن لغاية ما تطلع روحه ....

مش عارفة صراحة القرار المفتكس دا جه للوزير امتى يعني و لا مين اللي شار عليه الشورة العورة دي بس يا جماعة مش لازم نسكت لازم نعمل حاجة مش نستسلم كدا بكل سهولة لازم نوريله شباب مصر بكل مستوياته العمرية هيعملوا ايه اعتراضا على القرار دا