Monday, July 23, 2007

الحملة المنظمة لمنع تنفيذ قرار >>>>> الانترنت المحدود

الخطوة الاولي : عرض المشكلة امام المسئولين في الدولة وعرضها علي اجهزة الاعلام
الخطوة الثانية : الاعتصام امام الشركات المقدمة للخدمة
الخطوة الثالتة : الغاء الاشتراكات


شرح خطوات الحملة بالتفصيل
________________________
________________________
الخطوة الاولي :
شرح الخطوة الاولي :

والخاصة بعرض المشكلة علي المسؤولين والاعلام معناها كده بالعربي احنا اهه بنتكلم بالزوق والادب وبنقول ياجماعه انتوا كده بتبهدلونا ودي مشكلة جامدة وفي ناس كتير حالها هايقف وهنتأخر عن العالم كله باللي بيحصل ده وبنقول ان الشركات بتكسب كتير جدا يبقي مافيش داعي للغلاء ده والخطوة دي بنقول فيها حرااااااااااااام وبنستغيث بالمسؤلين وطبعا هانبعت ايميلات للمسؤولين ولأجهزة الاعلام وهانبعت الايميل ده لكل اللي نعرفه واللي مانعرفهوش جوه مصر وننشر الايميل عاوزينه يوصل لكل الناس

تنفيذ الخطوة الاولي :
ا
-اضغط هنا لكي تحصل عل ايميلات المسؤولين ونص الرسالة اللي هاتبعتها للمسؤولين ولكل اللي تعرفهم

-الاتصال بكل الوسائل الاعلامية بطريقة مباشرة او غير مباشرة علشان يعرضوا المشكلة واخطارها وابعادها السيئة

-الاتصال بشركتك اللي انت جايب منها النت وابلاغ من يرد عليك انه يوصل صوتك للمسئول في الشركة عن عدم رضاك عن النظام الجديد
________________________
________________________
الخطوة الثانية :

لو الخطوة الاولي مانجحتش هانبدأ بقي بالخطوات التكتيكية والمباشرة وهي عمل اعتصام امام الشركات والاعتصام بيبقي صوت مباشر للمسؤولين علشان يحسوا بالناس
والاعتصام طبعا سلمي

سيتم الشرح والتنفيذ اذا لم تفلح الخطوة الاولي
________________________
________________________
الخطوة الثالثة :

صوتنا خلاص وصل للمسؤولين وماحدش راضي يعملنا حاجة وهي كده كده بايظة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تمام اوي هانلغي كلنا اشتركاتنا من الشركات دي ونخلي ارباحهم قريبة من الزيرو لو عملنا كده مش هايعرفوا يقبضوا الموظفين الموظفين بتوعهم هايحتجوا وهما هايفلسوا ومش هايعرفوا طبعا بروحوا يصفوا في باريس ولا هاواي فهايرجعوا تاني لعقلهم ويرجعوا النت
وناخد حقنا
سيتم الشرح والتنفيذ اذا لم تفلح الخطوة الثانية


________________________
________________________
________________________
تنبيه هام للي بيقري الكلام ده دلوقتي

لو ماشاركتش في الحملة واعتمدت علي غيرك في المشاركة يبقي انسي واعرف انك لوعملت كده في ناس تانية هاتعمل كده برضه وطبعا احنا عارفين بعض كويس واد ايه بنكسل في الحاجات دي لو اعتمدنا علي بعض مش هانوصل لحاجة كلنا
ولازم تعرف انك لو قلت انا مش هشارك واسيب الباقي يشارك لو عملت كده يبقي لازم تتأكد ان الحملة فشلت وناس كتير هاتعمل زيك وهاندفع كلنا دم قلبنا في النت.... انا وانت

5 comments:

Anonymous said...

انا معاكم و هلغي اشتراكي لو مستجبشو المسؤلين

rany said...

ايوه واهم حاجة اننا فعلا مانعتمدش علي بعض لان في نسبة كبيرة جدا بتنفض والصرر علينا كلنا

وفعلا لو واحد وقف وقال الباقي شغال اهه مش هانوصل لحاجة

وربنا يوفقنا في الحملة

أشرف حمدي said...

انا لغيت الاشتراك فعلا
الا الاستغلال .. انا انسان حر والمفروض اني في بلد حر ومن واقع حريتي بقى اللي ماحدش يقدر يحجمها اني لغيت الاشتراك
صدقوني لو كل واحد عمل زيي النت حيرجع زي ما كان وبعشرين جنيه في الشهر

pHaR300n said...

حملة انترنت بلا حدود

بيان توضيحى جديد للوزير يمكن الإطلاع عليه من هنا :
http://www.mcit.gov.eg/ar/announcement.aspx


مفيش جديد .. لو كنت مشترك أكتر من شهر لن يلغى إشتراكك ولكن بعد ما يخلص إشتراكك القديم حتجدد بالنظام الجديد.

limited bandwidth in 512 & above

7. يشمل الهيكل الجديد أيضا إطلاق الأسعار للسرعات الأخرى حيث أعلنت بعض الشركات عن أسعار نصف ميجا بـ 90 جنيه شهريا وواحد ميجا 125 جنيه شهريا وهكذا وكلها اتجاهات نحو التخفيض مع طاقات تحميل مختلفة ولا مانع من تنافس الشركات على باقات مختلفة بسرعات مختلفة ولكن بدون دعم من الجهاز القومي لتنظيم الاتصالات والشركة المصرية للاتصالات، أما بالنسبة للشركات والمؤسسات فهناك مثلاً اشتراك بسرعة 2 ميجا غير محدد في طاقة التحميل بـسعر استرشادي 760 جنيه شهريا لأنه مناسب للشركات والمؤسسات وينتظر في المستقبل أن نجد عروضاً ترويجية بين المحمول والـ ADSL وأيضا بين الثابت والـ ADSL نظرا لإطلاق الأسعار وقد اقترحت بعض الشركات تقديم باقة إضافية بديلة لمن يرغب وقدرها 60 ساعة شهرياً بسعر 45 جنيه شهرياً لمن يرغب.

1. لا إلغاء لأي اشتراك ساري بالنظام الحالي وشركات الانترنت سوف تحترم تعاقداتها فقط ومن يرغب من المشتركين في النظام الحالي يستطيع تحويل اشتراكه للنظام الجديد إذا رغب.

ولكن بعد إنتهاء التعاقد سوف تجدد على النظام الجديد

Don't be fooled ...........

==============================

إعتراضا على القانون الجديد و الأسعار التعسفيه الغير عادلة الجارى تنفيذها فى شهر سبتمبر القادم .. برجاء عدم تجديد إشتراكى عند إنتهائه فى 31 أغسطس 2007 لخدمة
512k ADSL.

و عمل (طلب إلغاء) للخدمه
(cancellation order)
و إخطارى برقمه فى حالة عدم التراجع عن هذا القرار الجديد.

وتفضلوا بقبول فائق الإحترام.

مقدمه لسيادتكم
xxxxxxxxxxxxxxxxxxxx

In response to the new unfair, unjust law & the unreasonable prices that will be applied by September 2007 on the internet broadband connection services (ADSL) in Egypt please don't renew my subscribtion that will end on 31 August 2007 for my 512K ADSL connection.

Also please inform me with the cancellation order number if you still insist on enforcing that law and package offer.

Thank you
xxxxxxxxxxxxxxxx

=================================

Anonymous said...

انتو بتتكلموا فى ايه يا جماعة انتوا مرفهين لدرجة الخيال
انا موصل نت 1 ميجا بدفع 550 جنيه فى الشهر ونت معفن من شركة
TE Data
و لو مش عجبك افصل
ده اميلى للى عندة حل
threeea@yahoo.com
على فكرة انا حاولت ارفع السرعة 2 ميجا قالى مينفعش خد خطين طيب ليه هو كدة ولو مش عاجبك افصل شوفوا قمة الرفاهية الى انتو فيها